OBJEKTIVAT E PËRGJITHSHËM TË PROJEKTIT, TË REALIZUAR

– U mbështetën kapacitetet e sektorëve kulturorë dhe krijues për të bashkëvepruar ndërkombëtarisht.

– U mbështet qarkullimi  i veprave kulturore e krijuese dhe lëvizshmëria ndërkombëtare e aktorëve kulturorë.

– U forcuan, u zgjeruan dhe u diversifikuan audiencat.

– U inkurajua ndërkombëtarizimi i karrierës dhe veprave të shkrimtarëve të rinj dhe artistëve.

– U hartua një strategji afatgjatë bazuar në terma statistikë dhe financiarë për të rritur audiencën e fëmijëve ndaj librit.

– U nxitën bashkëpunime të ardhshme dhe qarkullimi ndërkombëtar i autorëve dhe veprave të tyre.

– U nxitën dhe u sollën modele të mira të letërsisë ndërkombëtare për fëmijë.

– U rrit ndërgjegjësimi i organeve shtetërore për letërsinë për fëmijë si një nga mjetet kryesore për zhvillimin kulturor të fëmijëve dhe si një çelës për të kapërcyer pengesat e krijuara shpesh nga komplekset shoqërore, etnike, fetare etj.

– U forcua bashkëpunimi ndërmjet organizatave kulturore dhe u tërhoq vëmendja në drejtim të sektorit publik e botimeve si një nga sektorët e rëndësishëm të ekonomisë.

DITURIA---IL

Në muajt shkurt-prill, 2017, në  disa qytete të ndryshme të Shqipërisë, Italisë dhe Maqedonisë u organizuan konkurse krijuese në letërsi dhe në pikturë.

Në Shqipëri, në këto konkurse morën pjesë mijëra nxënës, të shkollave nëntëvjeçare, në të gjithë Shqiperinë (rreth 110 shkolla, nga Veriu në Jug), falë edhe bashkëpunimit të ngushtë me Ministrinë e Arsimit, Rinisë dhe Sporteve.

Për dy muaj me radhë, tetor-dhjetor 2016, një staf i veçantë punonjësish, studentësh dhe vullnetarësh, të drejtuar nga Sh. B. DITURIA shpërndau në shkollat e qyteteve të Shqipërisë, si: Tiranë (shkollat “Fan Noli” dhe Instituti Arsimor Wilson), Vlorë (shkolla “Ismail Qemali”), Lezhë (shkolla Rogacionistët), si dhe në shkollat e disa fshatrave të rrethit të Kavajës (Synej) dhe të Peqinit (Bishqem), 1 300 pyetësorë, të hartuar nga ekspertë, operatorë kulturorë dhe psikologë.

Dy modelet e pyetësorëve (njëri për kl.1-5 dhe tjetri për kl.6-9) u plotësuan nga rreth 1 000 nxënës (target grup: 6-15 vjeç), dhe u shpërndanë në formë elektronike te më tepër se 300 të rinj.

DITURIA---IL5
DITURIA---IL3

Në faqen tonë do të keni mundësinë të gjeni dhe të lexoni tri vëllime, të botuara në tri gjuhë (shqip, maqedonisht, italisht): një (e-book) me krijimet e fituesve të konkursit letrar dhe vizatimor “Lexuesit e vegjël” organizuar ne muajt shkurt prill 2017 në të tri vendet, me titull: “Me librat në zemër”; një (libër dhe e-book) me tregime nga autorë nga tri vendet partnere, me titull: “Lexime për fëmijë dhe të rinj Tregime nga autorë shqiptarë, maqedonas dhe italianë”; dhe një (libër dhe e-book), me përralla nga nga autorë nga tri vendet partnere, me titull: “Lexime për fëmijë dhe të rinj Përralla nga autorë shqiptarë, maqedonas dhe italianë”. Librat e botuar janë dhuruar për shkollat dhe bibliotekat publike, ndërsa e-booket kanë qasje të lirë në uebsajtin e projektit dhe në faqet e partnerëve, si edhe ne rrjetet sociale.

FESTIVAL:

TË GJITHË LIBRAT JANË TË RËNDËSISHËM

Në datat 16-18 mars 2018, në Muzeun Historik Kombëtar u organizua Festivali multikulturor për librin dhe leximin, me temë: “Të gjithë librat janë të rëndësishëm”, një ngjarje shumë e rëndësishme, e para në llojin e vet për fokusin e saj, drejtuar femijeve, per shumësinë e dimensioneve (letersi, pikture, aktrim, diskutime, etj.) por edhe pjesemarrjen e gjere, që pati si protagonistë fëmijë e të rinj si dhe me shume se 100 operatorë kulturore që punojnë për botimet për fëmijë: shkrimtarë e ilustrues shqiptarë e të huaj, përkthyes, librarë, botues, piktorë, mësues, specialistë të kulturës etj.

djali mbi hënë

Punimet (skica, ilustrime etj.) e piktorëve ilustrues të librave për fëmijëve nga të tria vendet u bënë pjesë e një ekspozite shëtitëse të përbashkët, në Tiranë, Napoli dhe Tetovë. Ekspozita e ilustrimit në Tiranë u organizua në Muzeun Kombëtar, më 2-8 prill 2018. Për shtatë ditë me radhë, publiku shqiptar pati mundësi të vizitojë këtë ekspozitë që synonte të promovonte  ilustrimin dhe piktorët e veprave për fëmijë. Gazmend Leka, piktor shumë i njohur dhe pedagog në Akademinë e Arteve në Tiranë, që e hapi këtë ekspozitë, u shpreh me fjalët: “E konsideroj të jashtëzakonshme, pasi më së shumti, është retrospektivë e ilustrimit shqiptar. Është një shëtitje shumë e shkurtër ndër vite. E shkurtër por e vyer. Shfaqet para nesh, si e para e këtij lloji, që nga viti i formimit të shtetit shqiptar.”

DITURIA---IL6-copy

Në bashkëpunim me MultiMediaStudio “NOSITI”, shtëpi e prodhimit të filmit me përvojë disavjeçare, u prodhua një film dokumentar rreth qasjes së fëmijeve ndaj librit, pa dallime shoqërore, gjinore apo racore dhe promovimit më të mirë të letërsisë për fëmijë. Filmi dokumentar është transmetuar në TV dhe gjendet në YouTube, rrjetet sociale dhe faqen zyrtare të projektit, me titullin “Lexuesit e se ardhmes”. Filmi percjell mesazhe promovimi per librin dhe lexuesin e tij. Ja si fillon filmi:

“Një libër mund të na ndihmojë ne të gjithëve të jetojmë më mirë, të flasim së bashku për kënaqësitë e letërsisë, artit, diturisë, për gëzimin e zbulimit të marrëdhënieve midis njerëzve, të ushtrojmë të drejtën tonë për kërkimin e sensit të jetës dhe bukurisë, të eksperimentojmë lirinë e përfytyrimit dhe forcën e letërsisë për të ndryshuar gjërat. Një libër është një mënyrë për të marrë pjesë aktive në jetën tonë dhe të shoqërisë, një burim gëzimi dhe kënaqësie në jetën tonë të përditshme.”

Në Tiranë, në dt. 11 qershor 2018, u zhvillua Konferenca përmbyllëse e Projektit “Lexuesit e së ardhmes”, me pjesëmarrjen e partnerëve maqedonas dhe italianë, botuesve, librarëve, gazetarëve, operatorëve kulturorë e arsimorë, gazetarëve, përfaqësuesve të institucioneve arsimore dhe kulturore etj. Në punimet e kësaj konference që patën jehonë të gjerë në shtyp, u diskutuan disa nga përfundimet e projektit “Lexuesit e së ardhmes”. Folësit dhe diskutuesit e shumtë, pas përgëzimeve për organizatoret e këtij projekti, u shprehën për nevojën e hartimit të programeve për promovimin e  leximit për fëmijët që në moshë të njomë, si një investim për të ardhmen; shembulli i këtij projekti duhet të na nxisë që të bëjmë të njëjtën gjë për të hartuar politikat më të mira për t’i afruar fëmijet me librat dhe për t’u injektuar atyre dashurinë për leximin.